Im Wald, im schöne grüene Wald
Im Wald, im schöne grüene Wald
Dert het’s äs Plätzli, wo mir gfallt
I liege dert im weiche Moos
Und luege, stuune bloss.
I loose, wie dr Vogel singt
Und ou wie ds Bächli lustig springt
Und Chäferli und Müggeli
Die sümmele verby.
I luege zue, wie d’Escht im Wind
Sich „Säli“ säge und denn gschwind
Der eint dr ander Ascht loslaat
Zum eiget Stamm zrugg gaht.
D’Spinne mit de länge Bei
Die chräsmet über Moos und Stei
Und Schnäggli chrüücht de Pilzli na
Möcht öppis z’frässe ha.
Doch öppis gfallt mir bsunders guet
Wenn’s i de Tanne ruusche tuet
Und ds Eichhörnli sich still versteckt
Sys Näsli vürestreckt.
Und nach dem Sonnenuntergang füllt sich der Wald mit neuem Leben! 🙂
